▪︎علاش الدولة ما تطبعش اموال كثيرة وهكا تقدر تخلص الديون لي عليها؟▪︎ ف2008 عرفات زيمبابوي نسبة تضخم ديال 79 مليار و 600 مليون في المئة، اي انه شي حاجة كانت ساوية 10 دراهم، ولات ساوية 7 مليار و960 مليون درهم، وهدا كان بسبب التضخم... التضخم بالنسبة لي معارفوش هو ارتفاع في مستوى الاسعار بشكل عام، في المغرب، نسبة تضخم واصلا ل8 في المئة، فتخايل معايا في زيمبابوي كانت النسبة هي 79.600.000.000 في المئة، وكانو 3 ديال البيضات ساويين 100 بليون دولار... السبب في هاد التضخم هو انه هاد الدولة كانت غير كاطبع في الفلوس في محاولة انها تتصدى للمشاكل الاقتصادية لي كانت كاتعاني منها، الا ان هاد المسألة غير مزادت ازمات الوضع الاقتصادي لهاد الدولة... هدا جواب وعبرة للناس لي كيفكرو فعلاش الدولة ما تطبعش اموال كثيرة وهكا تقدر تخلص الديون لي عليها ودير استثمارات ويتبرعو الناس، ولكن هاد المسألة خطيرة جدا ومايمكنش تم، حيت بمجرد ما توقع، غاتولي قيمة الاموال طايحة بزاف، والاسعار غاتغلا وولو يكون عندك بير ديال الفلوس، مغاتقدر تشري بيه والو... Make 'em need it, then buy it.
