منطقة الراحة "Comfort Zone"

▪︎ منطقة الراحة - الجزء الأول ▪︎

غايتقسم المقال لأجزاء باش كلشي يقرا براحة ومايجيهش الموضوع طويل.. و بصراحة هذا موضوع جد مهم و غيفيدكم بزاف..

•فَ شنو هي منطقة الراحة؟ أكيد شحال من واحد فينا غايكون سمع عليها و على اهمية اننا نخرجو منها باش نحققو أهدافنا ..

منطقة الراحة ف ويكيبيديا هي.. هي حالة سلوكية يمارسها الشخص بلا توتر أو خطر بسبب اعتياده على ممارستها ضمن إطار روتيني محدد ينتج عن هذا الروتين تكيّف ذهني يعطي الشخص شعورا غير واقعي بالأمان وفنفس الوقت يحد من قدرته على التقدم والإبداع.. فهمتو شي حاجة ؟ 

اك انا انشرح كتر منطقة الراحة هي فراشك لي كاتبقا ناعس فيه و ماكادير والو من غير افلام و كروبات و فيديوات الخ.. منطقة الراحة هي واليديك اللي كايعطيوك وحاميينك و كايصرفو عليك.. منطقة الراحة هي صحابك اللي ديما كادير معاهم نفس الحاجة و مكتستافدش منهم من غير المرح و السعادة.. منطقة الراحة هي الكتب لي كاتقراها و كاتهضر على نفس الحاجة و عمرك غيرتيها.. منطة الراحة هي الطريق لي كاتمشي فيها من داركم للخدمة و المدرسة و عمرك حاولتي تبدلها حيت تترتاح فها.. و منطقة الراحة هي هادي لي انا و نتا فيها دابا واللي مكادير فيها تا مجهود باش تتحدى المخاوف ديالك و تخرج للعالم الحقيقي لي غاتمر فيه من تجارب و التوتر و الحرج و الخوف..

بصراحة فوقاش اخر مرة زرتي غا من عقلك قلتي ارا نزور واحد البلاصة عمري مشيت ليها و مكرتاتحش فيها؟ فوقاش اخر مرة هضرتي وجها لوجه مع شخص خارج الدائرة ديال الاصدقاء ديالك و عائلتك.. فوقاش اخر مرة قلتي اندير ريجيم حيت تعديت الوزن الطبيعي ديالي و نمشي لاصال و درتيها؟

يتبع...